Қовоқча, помидор ва сабзидан мазали егулик тайёрлаймиз

Ушбу таомда барча сабзавотлар бир-бирини тўлдириб, ўзгача таъм беради. Бундан ташқари бу егуликни ҳам иссиқ ҳолда, ҳам совуқ ҳолда истеъмол қилиш мумкин.

Керакли масаллиқлар:

• Пиёз— 1-2 дона
• Сабзи — 1 дона
• Қовоқча — 2 дона
• Ўсимлик ёғи — 2-3 ош қошиқ.
• Помидор — 2 дона
• Томат пастаси — 2-3 чой қошиқ
• Таъбга кўра туз ва ярим чой қошиқ шакар.

1. Пиёзни майдалаб тўғраймиз, сабзини қирғичнинг катта тишида чиқариб оламиз. Қовоқчани ҳам қирғичдан ўтказамиз.
2.  Товага ёғни солиб, сабзи ва пиёзни ўртача оловда 5-6 дақиқа қовуриб оламиз.
3. Қовоқчани ҳам қўшиб, яна 8-10 дақиқа қовурамиз.
4. Помидор устига қайноқ сув қуйиб, пўстини арчиб оламиз ва майда тўғраймиз.
5. Помидор ва томат пастасини қовурилаётган сабзавотлар устига солиб, туз аралаштирамиз. 10 дақиқадан сўнг таом тайёр!