АҚШда 3D-принтер ёрдамида ноёб электровелосипед яратилди

Калифорнияда Superstrata стартапи 3D-принтер ёрдамида чоп этилган Ion номли электровелосипедини тақдим этди, деб хабар беради Electrek портали.

Электробайк ихтирочиларининг таъкидлашича, аввал ҳам шу турдаги велосипедлар яратилган. Бироқ уларнинг концепти дунёда биринчи бўлиб электромотор ҳамда углерод толадан фойдаланилган ҳолда чоп этилган велосипедни бирлаштирган.

Велосипед Arevo компанияси томонидан яратилган 3D-принтер технологияси ёрдамида чоп этилган.

Superstrata Ion’га қуввати 350 кВт/соатга тенг батарея ўрнатилган. У бир марта қувватланиш орқали 56 километр йўл босиши мумкин ва тезлиги соатига 25 километрга қадар етади.

Оғирлиги 11 килограммга тенг велосипед нархи 3999 доллар. Таъкидланишича, мазкур янгилик 2020 йилнинг декабрида бозорларда сотувга чиқади.

Аввалроқ Бельгияда 3D-принтер ёрдамида икки қаватли уй яратилгани тўғрисида хабар берилганди.