TikTok видеосервиси Ўзбекистонда энг кўп юклаб олинаётган мобил иловага айланмоқда. Бу ҳақда App Annie мобил таҳлил сервиси маълумотларига таяниб, Spot хабар берди.
Июль ойининг бошларида илова илк бор App Store ва Google Play’да биринчи ўринга кўтарилган бўлиб, вақти-вақти билан бошқа сервисларга етакчиликни бериб қўймоқда. Июнь ойида эса TikTok Топ-10’ликдан ўрин олган эди:
Апрель ойида TikTok Ўзбекистонда карантин вақтидаги энг машҳур иловалардан бирига айлангани, бироқ Zoom, Telegram, Instagram ва imo етакчиликни қўлдан бермаётгани тўғрисида хабар берилганди. Июль ойидан бошлаб эса мобил дастур барқарор равишда биринчиликни эгаллаб келмоқда.
TikTok қисқа мусиқий видео яратишга, жонли эфирларни амалга оширишга ва хабар алмашишга имкон берувчи ижтимоий тармоқ ҳисобланади. 2016 йилнинг сентябрь ойида ишга туширилган дастур Хитойда қисқа видеолар бўйича етакчи ижтимоий тармоқ ҳисобланади.
Май ойи маълумотларига кўра, TikTok дастур ичида пул ишлаш борасида YouTube ва Netflix’ни ортда қолдирган.
Изоҳ (0)