AQShda 3D-printer yordamida noyob elektrovelosiped yaratildi

Kaliforniyada Superstrata startapi 3D-printer yordamida chop etilgan Ion nomli elektrovelosipedini taqdim etdi, deb xabar beradi Electrek portali.

Elektrobayk ixtirochilarining ta’kidlashicha, avval ham shu turdagi velosipedlar yaratilgan. Biroq ularning konsepti dunyoda birinchi bo‘lib elektromotor hamda uglerod toladan foydalanilgan holda chop etilgan velosipedni birlashtirgan.

Velosiped Arevo kompaniyasi tomonidan yaratilgan 3D-printer texnologiyasi yordamida chop etilgan.

Superstrata Ion’ga quvvati 350 kVt/soatga teng batareya o‘rnatilgan. U bir marta quvvatlanish orqali 56 kilometr yo‘l bosishi mumkin va tezligi soatiga 25 kilometrga qadar yetadi.

Og‘irligi 11 kilogrammga teng velosiped narxi 3999 dollar. Ta’kidlanishicha, mazkur yangilik 2020-yilning dekabrida bozorlarda sotuvga chiqadi.

Avvalroq Belgiyada 3D-printer yordamida ikki qavatli uy yaratilgani to‘g‘risida xabar berilgandi.