Мадейра ороли (Португалия) полицияси «Ювентус» ҳужумчиси Криштиану Роналдунинг ўғли мустақил равишда сув чанғисини бошқараётгани акс этган видео пайдо бўлганидан сўнг текширув ишларини олиб бормоқда. Бу ҳақда The Sun хабар берди.
Таъкидланишича, видео муаллифи боланинг холаси – Элма саналади. Айнан у видеони ижтимоий тармоқларга юклаган. Португалия матбуоти видеонинг шанба куни Мадейра жанубидаги Пол до Мар шаҳрида олинганини таъкидламоқда.
Денгиз полицияси раҳбари тергов ишлари олиб борилаётганини тасдиқлади. У нима бўлганидан хабардор эканини ва ҳозирда айнан нима бўлганини аниқлаш ишлари олиб борилаётганини айтди. Шунингдек, у катта тезликда ҳаракатланадиган сув чанғиларидан (гидроцикл) фойдаланиш учун махсус гувоҳнома талаб қилинишини ва фақат катталаргина унга эга бўлиши мумкинлигини қўшимча қилди.
Португалия қонунчилигига биноан, лицензиясиз сув чанғисини бошқариш учун жарима 268 дан 2,6 минг фунт стерлинггача, гуруҳлар ёки хусусий фирмалар эса 10,7 минг фунтгача жаримага тортилиши мумкин.
Бироқ 13 июль куни ушбу видео Элманинг Instagram’даги саҳифасидан ўчирилган.
Маълумот учун, Роналду ушбу мавсумда Италия чемпионатида 28 та ўйин ўтказиб, 28 та гол ва 5 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)