Италия А Сериясида июнь ойининг энг яхши футболчиси маълум бўлди

«Аталанта» ярим ҳимоячи Алехандро Гомес Италия А Сериясининг июнь ойидаги энг яхши ўйинчиси деб топилди. Бу ҳақда лига матбуот хизмати хабар берди.

Ўтган ойда ярим ҳимоячи 4 та ўйин ўтказиб, 4 та голли узатмани амалга оширди. Унинг жамоаси эса 4 та учрашувда ҳам ғалаба қозонди.

Гомес 2014 йилнинг ёзидан бери «Аталанта» шарафини ҳимоя қилиб келади. 2019/20-мавсумда 32 ёшли аргентиналик футболчи Италия чемпионатининг 31 ўйинида майдонга тушиб, 6 та гол урган ва 16 та голга ҳаммуаллифлик қилган. Унинг клуб билан шартномаси 2022 йилнинг ёзигача мўлжалланган.

«Аталанта» 32-турдан кейин 67 жамғарган ҳолда мусобақа жадвалида 4-ўринни эгаллаб турибди.