«Манчестер Юнайтед» ҳужумчиси Антони Марсьяль Англия Премьер Лигасининг 35-турида «Саутҳэмптон»га қарши кечган баҳсда (2:2) ўз номига гол ёздириб қўйди.
Бу Марсьяль учун Англия чемпионатидаги 50-гол бўлди. Шу тариқа 24 ёшли франциялик ҳужумчи «Манчестер Юнайтед» таркибида ушбу натижани қайд этганлар ичида ўнинчи, француз футболчилари орасида эса Эрик Кантонадан кейин иккинчи ўйинчига айланди.
Шунингдек, рўйхатдан Дэвид Бекҳэм (62), Эрик Кантона (64), Криштиану Роналду (84), Оле-Гуннар Сульшер (91), Эндрю Коул (93), Руд Ван Нистелрой (95), Пол Скоулз (107), Райан Гиггз (109) ва Уэйн Руни (183) жой олган.
Маълумот ўрнида, жорий мавсумда Марсьяль клуб миқёсидаги барча мусобақаларда 41 учрашувда майдонга тушиб, 21 гол ва 8 голли узатмага муаллифлик қилди. Унинг клуб билан шартномаси 2024 йилнинг ёзига қадар амал қилади. Transfermarkt портали эса ҳужумчининг трансфер нархини 48 миллион еврога баҳолаган.
Мавзуга доир:
Изоҳ (0)