“Manchester Yunayted” hujumchisi Antoni Marsyal Angliya Premyer Ligasining 35-turida “Sauthempton”ga qarshi kechgan bahsda (2:2) o‘z nomiga gol yozdirib qo‘ydi.
Bu Marsyal uchun Angliya chempionatidagi 50-gol bo‘ldi. Shu tariqa 24 yoshli fransiyalik hujumchi “Manchester Yunayted” tarkibida ushbu natijani qayd etganlar ichida o‘ninchi, fransuz futbolchilari orasida esa Erik Kantonadan keyin ikkinchi o‘yinchiga aylandi.
Shuningdek, ro‘yxatdan Devid Bekhem (62), Erik Kantona (64), Krishtianu Ronaldu (84), Ole-Gunnar Sulsher (91), Endryu Koul (93), Rud Van Nistelroy (95), Pol Skoulz (107), Rayan Giggz (109) va Ueyn Runi (183) joy olgan.
Ma’lumot o‘rnida, joriy mavsumda Marsyal klub miqyosidagi barcha musobaqalarda 41 uchrashuvda maydonga tushib, 21 gol va 8 golli uzatmaga mualliflik qildi. Uning klub bilan shartnomasi 2024-yilning yoziga qadar amal qiladi. Transfermarkt portali esa hujumchining transfer narxini 48 million yevroga baholagan.
Mavzuga doir:
Izoh (0)