Бугун,

  • USD 11095.31
  • RUB 173.84
  • EUR 10772.44

Ўзбекистон халқ таълими вазири Шерзод Шерматов янги ўқув йилида мактабларда дарслар онлайн бўладиган бўлса, 1-синфларга таълим бериш қандай йўлга қўйилиши масаласида берилган саволга жавоб берди.

Фото: «Дарё»

Фото: «Дарё»

«Аввало, дарслар онлайн бўлиши тўғрисида расман маълумот берилдими? Яхши ният қилайлик, вирусдан қутулайлик. Бошланғич таълимда дунё миқёсида онлайн мактаб тажрибаси ўзини оқласа, аллақачон шу тизимга ўтиларди. Онлайн тизим бўлмасин», — деди вазир.

Халқ таълими вазирининг қайд этишича, ҳозирги ҳолатдан кўриниб турибдики, сентябрга келиб вазият енгиллашса, онлайн дарслар бўлмайди.

Унинг сўзларига кўра, хавфсизлик чоралари кўрилса, эпидемиологик вазият ёмонлашмаслиги тўғрисида ҳам ёндашувлар бор. Бола мактабда бўлганда ҳам, дарслар телевидение орқали бўлади. «Бу пандемия туфайли эмас. Мақсад — узоқ ҳудудларга сифатли дарслар орқали қўшимча ёрдам бериш», — деди Шерзод Шерматов.

Эслатиб ўтамиз, Ўзбекистонда 1-синфга қабул жараёни онлайн навбат асосида амалга оширилмоқда.

Аввалроқ Ўзбекистонда мактаб ўқувчилари учун онлайн дарслар платформасини яратиш режалаштирилаётгани ҳақида хабар берилганди.

Маълумот учун, Ўзбекистонда коронавирус аниқланганидан кейин барча таълим муассасалари ёпилган. Мактаб ўқувчилари учун бир қатор телеканалларда видеодарслар эфирга узатилди. Карантин вақтида теледарслар ўтаётган ўқитувчилар Тошкентдаги Президент мактабига жойлаштирилди. Мактаблардаги якуний имтиҳонлар эса ўтказилмади.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди