Боливия соғлиқни сақлаш вазири Эйди Рока коронавирусга чалинди. Бу ҳақда мамлакат президенти Жанин Аньес ўзининг Twitter’даги саҳифаси орқали маълум қилган.
«Коронавирусга топширган тести ижобий чиққан соғлиқни сақлаш вазирини қўллаб-қувватлайман. Вирусга қарши кураш дам олишларсиз давом этмоқда, вазирга тезроқ соғайишини тилаб қоламан», — деб ёзади Боливия президенти.
Сўнгги маълумотларга кўра, Боливияда коронавирус билан касалланганлар сони 38 071 кишига етган. Ҳозирга қадар беморларнинг 11 272 нафари соғайган, 1378 киши COVID-19 қурбонига айланган.
Бунга қадар Исроил ва Қозоғистон соғлиқни сақлаш вазирларида ҳам коронавирус аниқлангани тўғрисида хабар берилганди.
Изоҳ (0)