Ҳиндистон соғлиқни сақлаш вазирлиги маълумотларига кўра, мамлакатда эпидемия давридан буён коронавирусга чалинганлар сони 697 413 кишига етди, деб хабар бермоқда «РБК».
Мамлакат касалланганлар сони бўйича дунёда учинчи ўринда бўлиб келаётган Россиядан ўзиб кетди.
Қайд этилишича, сўнгги уч кун ичида Ҳиндистонда кунлик касалланишлар сони 20 минг кишидан ошган. Times of India нашрининг ёзишича, сўнгги сутканинг ўзида 24 248 кишида вирус аниқланган.
COVID-19 қурбонлари сони бўйича мамлакат дунё бўйича саккизинчи ўринда. Ҳиндистонда коронавирус асоратларидан жами 19 693 киши вафот этган.
Мамлакатдаги энг оғир вазият Маҳараштра штатида (йирик шаҳри Мумбай) кузатилмоқда. Шунингдек, Ассам ва Уттар-Прадеш штатларида ҳам вазият ёмонлашмоқда. Шу билан бирга, ҳукумат бир қатор шарқий вилоятларда вазият яхшиланаётганини таъкидлаган.
Мавзуга доир: Ҳиндистонлик эркак коронавирусдан ҳимояланиш учун ўзига 4 минг долларга тилла ниқоб ясаттирди
Аввалроқ бутун дунёда коронавирус билан касалланишнинг янги рекорд кўрсаткичи қайд этилгани, COVID-19’дан тузалганлар сони 6 миллион нафардан ошгани хабар берилган эди.
Изоҳ (0)