Янги коронавирус инфекциясининг тарқалишининг иккинчи тўлқини ноябрь—декабрь ойларида кутилади. Бу ҳақда Бутунжаҳон шифокорлар касаба уюшмаси (WМА) собиқ раҳбари Леонид Эйдельман «РИА Новости»га берган интервьюсида айтиб ўтган.
Эйдельманнинг сўзларига кўра, касалликнинг иккинчи тўлқинига жиддий тайёргарлик кўриш керак, чунки у вақтда COVID-19 ЎРВИ эпидемияси даврида параллел равишда тарқалиши мумкин.
«Ноябрь—декабрь ойларида ҳар йили респиратор касалликлар давридаги каби ўсиш бўлишини тушуниш лозим. Шу сабабли касалларни бир-биридан ажратиш осон кечмайди, иккала инфекцияга чалинганлар ҳам йўталади, аксиради. Оқибатда бу умумий муаммога айланади», — деган врач.
Эйдельман ноябрда соғлиқни сақлаш тизими вазиятга ихчамлашган ҳолда тайёрланиши лозимлигини қайд этди. Унинг фикрича кузги тўлқин ёздаги карантин чекловларидан кейин кузатилган вазиятдан ҳам оғирроқ келади.Шифокорнинг айтишича ҳозир COVID-19 билан касалланганлар сони бутун дунёда ўсиб бормоқда. Айрим давлатлар, масалан Италия ҳамда Германияда ўсиш кўрсаткичи у қадар юқори эмас. Бироқ Ҳиндистонда сезиларли даражадаги катта ўсиш суръати кузатилмоқда.
«Касалланганлар сони аслида инфекция юқтириб олгани аниқланганлар сонидан анча кўп», — дея қўшимча қилган Эйдельман.
Изоҳ (0)