Жиззах вилояти Ғаллаорол туманида Nexia ва Damas русумли автомашиналар ўртасида икки кишининг ўлимига сабаб бўлган ЙТҲ содир бўлди, дея хабар беради Тергов департаменти.
Қайд этилишича, 2020 йил 02 июль куни соат 15:00 ларда Ғаллаорол тумани «Оқтом» МФЙ ҳудудидан ўтган 4P-40 Ғаллаорол–Ўсмат йўлининг 40-километрида 35 ёшли Б.Р. Nexia русумли автомашинани Ғаллаорол йўналиши бўйича бошқариб бораётиб, автомобиль бошқарувини йўқотган.
Оқибатда қарама-қарши йўналишда ҳаракатланиб келаётган 37 ёшли О.Х. бошқарувидаги Damas русумли автомашина билан тўқнашиб, йўл транспорт ҳодисасини содир этган.
ЙТҲ натижасида Damas йўловчилари 42 ёшли Э.С. ва 47 ёшли Ш.Э. тан жароҳати олиб, ҳодиса жойида вафот этган.
Nexia ҳайдовчиси Б.Р., йўловчиси 28 ёшли Ф.А. ва 15 ёшли Б.Н. Ғаллаорол туман тиббиёт бирлашмасининг жонлантириш бўлимига ётқизилган.
Мавзуга доир:
Мазкур ҳолат юзасидан Ғаллаорол тумани ИИБ ҳузуридаги Тергов бўлинмаси томонидан Жиноят кодексининг 266-моддаси 3-қисми «а» банди (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.
Аввалроқ Тошкентда Spark тўсатдан йўлга чиқиб қолган 2 ёшли болани уриб кетиши оқибатида болакай вафот этгани хабар берилган эди.
Изоҳ (0)