BMW компанияси ўз автомобилларининг айрим функцияларига обунани сотишни бошлайди. Бу каби функциялар автомобиль брендининг барча янги автомобилларига ўрнатилади, деб хабар беради TechCrunch.
BMW’нинг маълум қилишича, автомобиль эгалари транспорт воситасида мавжуд, бироқ уни харид қилиш вақтида фаоллаштирилмаган зарурий аппарат функцияларига обуна бўлишлари мумкин. Масалан, ўриндиқларни иситиш, фаол круиз-назорат ёки навигация функцияларига обуна жорий этилади. Агарда қайсидир функция машина эгасига ёқмаса ёки ўз долзарблигини йўқотса, ундан воз кечиш мумкин бўлади.
Таъкидланишича, акс ҳолда BMW автомобилларни барча функциялар билан ишлаб чиқаришга мажбур бўлади, бу эса ўз навбатида ишлаб чиқариш харажатларини оширади. Компаниядагиларнинг қайд этишича, обунадан келадиган даромад харажатларни қоплашга хизмат қилади.
Шунингдек, автогигант вакилларининг сўзларига кўра, мазкур янгилик минилган BMW харидорлари учун ҳам фойда беради. Машинанинг янги эгаси уни ўзига мослаб олиши мумкин. Обунани расмийлаштиришни интернет орқали амалга ошириш мумкин. Обунанинг жорий этилиш санаси ва функциялар нархи тўғрисида ҳозирча маълумот берилмаган.
Таъкидлаш керакки, бу каби обуна Tesla’да мавжуд бўлиб, унинг ёрдамида аккумулятор сиғимининг дастурий блокини ечиш ёки автопилотни ёқиш мумкин.
Аввалроқ янги BMW моделларини iPhone ёрдамида очиш мумкин бўлган имконияти тақдим этилиши ҳақида хабар берилганди.
Изоҳ (0)