Швециялик муҳандислар Sango номли ҳайдовчисиз бошқариладиган электромобиль лойиҳасини тақдим этди. Ихтирочиларнинг сўзларига кўра, автоном шаттл жамоат транспорти соҳасининг ривожланишига ҳисса қўшади, деб хабар беради Motor.
Узунлиги 4,27 метрга тенг ҳайдовчисиз бошқариладиган шаттлга электромотор ва литий-ионли батареялар ўрнатилади. Электромобиль бир марта қувватланиш орқали 200 километрга яқин масофани босиб ўтиши мумкин. Синов вақтида шаттлнинг ҳаракатланиш тезлиги 15 км/соатга чекланган, бироқ Sango вақт-вақти билан соатига 50 километр тезликда ҳаракатлана олади.
Ҳайдовчисиз бошқариладиган Sango модели Стокгольмда ишга туширилади. Синовлар доирасида ўн дона шу турдаги моделлар ҳаракатланади. Электромобилларга олтида ўриндиқ ўрнатилган бўлиб, пол қисмининг пастлиги фуқароларга қулайлик туғдиради, шунингдек, у ёнга очилувчи эшиклар, махсус шторлар ва Wi-Fi’га эга. Муҳандисларнинг фикрича, Sango техник тавсифи жиҳатда етакчи брендлардан кам эмас, шу билан бирга йўловчиларга автотураргоҳлар, таъмирлаш ёки қувватлантириш каби муаммоларни ўйлаш керак бўлмайди.
Электоршаттли Швецияда яратилаётган экологик хавфсиз инфратузилманинг марказий бўғини ҳисобланади. Мутахассисларнинг таъкидлашича, айни вақтда дунёдаги 5 фоиз автомобилларгина (1,3 миллиарддан ортиқ) атроф-муҳитга зарар етказмайдиган ҳолда ишлаб чиқарилмоқда. Буни ўзгартириш учун швед стартапи янги автомобиль эко-тизимини яратишга қарор қилган.
Аввалроқ Тошкентлик тадбиркор пойтахт такси хизмати учун Хитойдан 500 та электромобил сотиб олгани тўғрисида хабар берилганди.
Изоҳ (0)