Эрон ҳукумати яқин вақт ичида Натанза вилоятидаги ядро объектларининг бирида содир бўлган ёнғиннинг келиб чиқиш сабабларини ошкор этмоқчи эмас, деб ёзмоқда Associated Press.
«Хавфсизлик нуқтаи назаридан ҳодиса сабаблари ва тафсилоти ҳозир эмас, керакли вақтда ошкор қилинади», – деган Эрон Миллий хавфсизлик олий кенгаши вакили Кейван Ҳусравий.
2020 йил 2 июль куни тонгда Эрондаги ядро объектида ёнғин содир бўлган. ОАВда ёзилишича, ушбу ҳодиса юзасидан масъулиятни «Ватан қоплонлари» гуруҳи зиммасига олган. Гуруҳ BBC’нинг Форс кўрфази хизматига хабар йўллаб, ушбу ёнғин ортида ўзлари турганлигини маълум қилган.
Шунингдек, хатда гуруҳда бир вақтлар Эрон хавфсизлик кучлари таркибида хизмат қилган собиқ ҳарбийлар борлиги ва улар ҳозир мухолифат вакилига айлангани қайд этилган.
Ўз навбатида бу каби фитналарни бартараф қилишга масъул бўлган генерал Ғулом Ризо Жалолий ушбу ҳолатнинг киберҳужум экани ўз исботини топса, Теҳрон бунга жавоб қайтаришини маълум қилган.
Мавзуга доир: Эрон Қосим Сулаймонийнинг ўлими учун Трампни қамоққа олиш ҳақида ордер берди ва Интерполга мурожаат қилди
2020 йил 1 июль куни Эрон пойтахти Теҳрон шимолидаги Sina Athar клиникасида содир бўлган ёнғин оқибатида 13 киши ҳалок бўлган эди.
Изоҳ (0)