БАА расмийлари мамлакатда доимий яшайдиган фуқаролар ва чет эл фуқароларининг саёҳат қилиш учун мамлакат ташқарисида чиқишига рухсат берди. Бу ҳақда 3 июль куни амирликнинг WАМ агентлиги хабар берди.
«Эҳтиёт чораларига амал қилган ҳолда БАА фуқаролари ва резидентлар чет элга чиқиш имкониятига эга бўлади», — дея ҳукумат қароридан иқтибос келтирмоқда агентлик.
Улар сафарга отланаётганларга кетишдан олдин коронавирус тестини ўтказишни, қайтаётганда эса борган жойида ўтказилган таҳлилнинг янги натижаларини олиб келиш тавсия қилган. Бундан ташқари, БАА ҳукумати 70 ёшдан ошган ва сурункали касалликларга чалинган одамларга чет элга чиқмасликни тайинлаган.
Мамлакат Соғлиқни сақлаш вазирлигининг сўнгги маълумотларига кўра, БААда 49,4 минг киши коронавирусга чалингани қайд этилган. Шулардан 38,6 минг кишидан ортиғи соғайган, 317 нафари вафот этган.
Изоҳ (0)