АҚШда охирги 24 соат ичида 57,5 минг кишида коронавирус аниқланган. Бу нафақат мамлакат учун, балки пандемия давридаги энг юқори суткалик рекорд ҳисобланади. Бу ҳақда «РБК» хабар берди.
АҚШ юқумли касалликлар бўйича бош мутахассиси бу рақамлар кунига 100 минггача ортиши мумкинлиги ҳақида огоҳлантирган.
Қайд этиш жоизки, сўнгги тўққиз кун ичида АҚШда коронавирусга тегишли кунлик рекорд еттинчи марта янгиланди.АҚШда янги ҳолатлар бўйича охирги рекорд кўрсаткич 3 июль куни қайд этилган эди. Ўшанда вирус билан касалланганлар 55,2 минг кишини ташкил этган.
Шунингдек, АҚШда охирги суткада коронавирусдан 635 киши вафот этди. Бу борадаги рекорд 21 апрель куни — 2 749 та ўлим ҳолати билан қайд этилган.
Жонс Ҳопкинс университетининг 4 июнь соат 13:00 даги маълумотларига кўра, Қўшма Штатларда коронавирус билан касалланганлар сони 2 795 072 кишини ташкил қилмоқда. Беморларнинг 790 404 нафари соғайган, 129 437 нафари эса вафот этган.
Изоҳ (0)