Хитойда сўнгги суткада коронавирус билан касалланиш бўйича 3 та ва касаллик белгисиз ўтаётган 3 та ҳолат аниқланди, беморларнинг 10 нафари соғайди, вафот этиш ҳолатлари қайд этилмади. Бу ҳақда Хитой Соғлиқни сақлаш миллий комиссиясига таяниб, «РИА Новости» хабар берди.
Қайд этилишича, аниқланган 3 та ҳолатнинг барчаси мамлакатнинг ўзида, Пекин шаҳрида юқтирилган.
Мамлакатда умумий ҳисобда 83 534 киши коронавирусга чалинган, уларнинг 78 479 нафари соғайган, 4634 нафар бемор COVID-19 қурбонига айланган. Касалхонада 421 киши даволанишда қолмоқда.
Шунингдек, Хитойда касаллик белгисиз ўтаётган 3 та ҳолат аниқланган. Шундай кишиларнинг яна 100 нафари кузатувда бўлиб турибди.
Мавзуга доир:
Касалликлар профилактикаси ва назорати маркази (KCDC) маълумотларига кўра, янги касалланиш ҳолатларининг 36 нафари мамлакатнинг ўзида, қолган 15 таси четдан юқтирилган.
Сутка давомида 76 киши соғайиб, тузалганларнинг умумий сони 11 613 нафарга етди. Касаллик қурбонлари сони ўзгармаган бўлиб, 282 нафарни ташкил этмоқда.
Мамлакатда коронавирусни аниқлаш бўйича қарийб 1,28 миллионта тест ўтказилган.
KCDC маълумотларига кўра, Жанубий Корея 1 июлдан бошлаб «Ремдесивир» дори воситасини сотиб олишни бошлади. «Ремдесивир» Европа Иттифоқида рухсат олиш учун тавсия қилинган коронавирусга қарши илк дори воситаси ҳисобланади. Бу дори воситаси оғир аҳволдаги беморларни даволашда қўлланилади.
Қайд этилишича, 7 июлга қадар касалхоналар «Ремдесивир» билан бепул таъминланади, 8 июлдан бошлаб эса унинг нархи муҳокама қилинади.
Эслатиб ўтамиз, «Ремдесивир» 1 май куни АҚШда COVID-19’ни даволаш учун фавқулодда маъқулланган. У ўз даврида Эбола безгагини даволаш учун яратилган эди. Лекин у пайтда самарали эканлигини исботлай олмаган. Кейинчалик мазкур дори РНК тузилиши коронавирусникига ўхшаш Яқин Шарқ респиратор синдроми (MERS) ва SARS-CoV атипик пневмониясига қарши даволашда ўз самарадорлигини кўрсатган.Препарат Американинг Gilead Sciences биофармацевтик компанияси томонидан ишлаб чиқарилади.
Изоҳ (0)