АҚШ телекомпаниялар манбалари мамлакат президенти Дональд Трампни Владимир Путин билан юмшоқ ва Ғарб мамлакатлари раҳбарлари билан жуда қаттиқ гаплашгани учун танқид қилди.
CNN’нинг Оқ уйдаги манбаларга ва суҳбатнинг мазмунидан хабардор АҚШ разведка доираларига таяниб хабар беришича, президент Дональд Трамп чет эл раҳбарлари билан суҳбатларда кўпинча қобилиятсизлигини намойиш этади. У баъзи ҳолатларда суҳбатдошларини ҳақорат ҳам қилади.
Масалан, Америка президенти Буюк Британия ва Германия раҳбарлари билан суҳбатларда кескин гапларни гапирган. У Буюк Британия собиқ бош вазири Тереза Мэйни жасоратсизликда айблаган ва Германия канцлери Ангела Меркелни «аҳмоқ» деб атаган.
Шунингдек, Трамп суҳбатдошлари билан ўзи ҳақида жуда кўп гаплашган. Масалан, Саудия Арабистони валиаҳд шаҳзодаси Муҳаммад бин Салмон ва КХДР етакчиси Ким Чен Ин билан суҳбат чоғида у бойлиги билан мақтаниб, президентликдаги улкан ютуқлари ҳақида гапирган.Владимир Путин билан суҳбатларда у ўзининг ўтмишдошларини танқид қилиб, уларни заиф ва бемаъни деб айтган.
Трамп Туркия президенти Ражаб Тоййип Эрдўғон ва Франция президенти Эммануэль Макрон билан ҳам кўп суҳбатлашган. Француз етакчиси билан суҳбат кўпинча асабий тарзда кечган.Макрон Трампни иқлим ўзгариши бўйича сиёсатини ўзгартиришга кўндира олмаган ва Америка президенти ўз ҳамкасбини НАТОга кам маблағ сарфлашда ва муҳожирларга нисбатан ҳаддан ташқари либерал сиёсатда айблаган.
Қайд этилишича, Трамп Путин билан суҳбатларида Россиянинг дунёдаги ролини ҳаддан ташқари ошириб кўрсатган.Ҳафтада икки марта Трамп Эрдўғон билан суҳбатлашган. Америка президенти ушбу суҳбатлар чоғида кўпинча Яқин Шарқдаги ишларда, хусусан, Сурия можароси жараёнида номувофиқликни намойиш этган.
Аввалроқ Трамп мамлакатнинг собиқ президенти Барак Обамани давлатга хиёнатда айблаган эди.
Изоҳ (0)