«Дарё»ни Telegram’да ўқинг! Join!
17:37, 29.06.2020 37922

Қандай бичимдаги либослар қоринни яшириб, қоматни ихчам кўрсатади?

Олд қисми V бичимидаги либос

Фото: «Яндекс Дзен»

«Запах» бичимидаги либос аёлларга хос бир қанча камчиликлари яшира олиши мумкин экани билан бўйи паст, тў​ладан келган ва қорин-бел қисмида муаммолари бўлганларга энг альтернатив вариант ҳисобланади. Бундан ташқари бундай либоснинг олд қисми V шаклида экани бўйинни узун кўрсатиш хусусиятига эга.

Фото: «Яндекс Дзен»

Фото: «Яндекс Дзен»

Ушбу бичимдаги либосларнинг бел қисмида боғич ёки белбоғ тикилган бўлиб, бу белни ингичка ва ихчамроқ кўрсатишга, қоринни беркитиш хусусиятига эга. Ушбу бичимдаги либоснинг этак қисми турлича бўлиши мумкин, лекин тос суяги кенг аёлларга этаклари кенг ва ташлаб турадиган вариантни танлаш тавсия қилинади.

Кўйлак-либос

Фото: «Яндекс Дзен»

Бичими эркаклар кўйлагини эсга солувчи, ёқа ва тугмали либослар турли аёлларга мос деталлар билан безанган ёки аксинча минимал услубда бўлиши мумкин. Бундай либосларнинг афзал томони шундаки, уни кийган аёл-қиз ихчамроқ кўринади.

Фото: «Яндекс Дзен»

Фото: «Яндекс Дзен»

Белдан пастки қисми тўла бўлган нозик жинс вакилаларига ташлаб, кенг турадиганини танлаш маслаҳат берилади. Бундай бичим қомат пропорциясини чиройли кўрсатади. Бели нозик бўлмаганлар учун эса бел қисми тепароқ, камар ва белбоғли моделлар яхши вариант.

А бичимидаги либос

Фото: «Яндекс Дзен»

Трапеция шаклини эсга солувчи либослар барча аёл-қизлар учун универсал ва энг яхши вариант саналади. Шунчаки қоматдан келиб чиқиб деталлари, узунлигига эътибор бериш керак. Белдан тепа қисми нозик, паст қисми эса тўлароқ бўлган аёлларга трапеция либоснинг олди қисми V шаклини эсга соладиган моделини танлаш тавсия қилинади.

Фото: «Яндекс Дзен»

Бел ва оёқлари тўла бўлганлар учун эса узун бичимлиги, бўйи паст аёлларга бўлса миди, яъни тиззадан тушиб турадиган узунликдагисини танлаш маслаҳат берилади.

Фото: «Яндекс Дзен»

Яна нималарга эътибор бериш керак?

Либос бичимидан ташқари ундаги принт, узунлик, ранг ва декоратив элементларни ҳам инобатга олиш керак. Вертикал чизиқ ва йўл-йўл принтли либос қоринни яшириш учун айни муддао.

Узунлик

Оёқлари тўла бўлганларга тиззагача ёки макси узунлигидаги либосни танлаш, бўйи паст қизларга эса мини моделлардан қочиш тавсия қилинади.

Ранг

Фақатгина қора рангли либос ихчам кўрсатади деган фикрни ўзгартириб, эътиборингизни қаймоқ ранг ва тўқ-кўк рангларга қаратинг.

Изоҳ қолдиришдан аввал, қоидалар билан танишиб олинг: http://dy.uz/sBU7c