Франциянинг Dior ва Италиянинг Vespa бренди ҳамкорликда скутер ишлаб чиқарди. Бу ҳақда Harper’s Bazaar нашри хабар берди.
Бренд ушбу моделни яратишда «Рим таътили» фильмида Одри Хепбёрн ва Грегори Пек шаҳар кўчаларини айланган скутердан илҳомланган бўлиб, унинг дизайни устида аёллар коллекцияси креатив раҳбари Мария Грация Кьюри ишлаган.
https://youtu.be/GDxQ9Cqheh0
«Vespa мен учун она шаҳрим Римнинг тимсоли. Бундай скутерларни ‘Рим таътили’ фильмида ва бошқа исталган италян кўчаларида кўриш мумкин. Vespa скутерлари ХХ аср ўрталарида машҳурликка эришган, унинг ҳажми Италиянинг тор кўчаларида эркин ҳаракатланиш имконини беради», — дейди дизайнер.
Мазкур моделни ишлаб чиқариш устида пандемиядан аввал иш бошланган, эҳтиёт чораси сифатида ижтимоий масофа сақланиши кераклиги таъкидланаётган бир вақтда эса бу каби шахсий транспорт воситаларига бўлган талаб янада ошган.
Бундан ташқари, скутерга қўшимча равишда аксессуарлар — шлем, сумка ва 1967 йилда дизайнер Марк Боан томонидан тақдим қилинган Dior Oblique тақинчоқлари ҳам ишлаб чиқарилган.
Скутерни 2021 йилнинг баҳорида сотувга чиқариш режалаштирилган.
Изоҳ (0)