Юксак кийиниш маданияти ва нозик дидга эга 5 малика

Қироллик оиласи вакилларининг ҳаммаси ҳам қимматбаҳо ва ҳашаматли кийиниши мумкин, лекин дид ва услуби билан эсда қолувчилари саноқли бўлади.

Мария-Антуанетта

Франциянинг қиролича-консорти бўлган Мария Антуанетта Роуз Бертенга мансуб кенг ва узун либослар кийишни ёқтирган. Маликанинг суратларига назар ташлаб, даврга нисбатан дид ва нафосат билан кийинганини кўриш мумкин.

Грейс Келли

Грейс шаҳзода Ренье III га турмушга чиқиб, Монака маликаси бўлгунига қадар актриса сифатида маълум бўлган. 50 йиллар киноюлдузи бўлган Келли ҳамиша ўзига хос кийиниш услуби билан бошқалар эътиборини тортган.

Малика Маргарет

Қиролича Елизавета II нинг синглиси малика Маргарет ўз даврининг мода тимсоли деб ҳисобланган. У кийиниш борасида қироллик тартиб-қоидаларидан четга чиқмаган ҳолда латофатли кўрсатувчи ва юксак дид билан тикилган либосларни танлаган.

Малика Диана

«Халқ маликаси» деб таъриф бериладиган Диана одамлар хотирасида нафақат оқила, раҳмдиллиги билан, балки кийиниш борасидаги ўзига хос услубда кийинадиган қатъиятли малика сифатида қолган. Ҳали-ҳануз дизайнер ва мода ихлосмандлари маликанинг образларидан илҳомланган ҳолда коллекция ва янги либослар яратади. Нафосат билан кийинишни уддалаган Диана барча аёллар учун гўзаллик тимсоли ҳисобланади.

Қиролича Рания

Қиролича Рания бошқа малика ва қироллик оиласи вакилларидан расмий услубда кийинишни афзал билиши ва ушбу услубда аёлларга хос назокатга урғу бериши билан ажралиб туради. У, асосан, қалам шаклини эсга солувчи ёки ўрта узунлигидаги юбка, блузка ва пиджак, ингичка пошнали учли туфли билан образ яратишни ёқтиради.