Изоляцияни опаси Жижи ва онаси Иоланда билан Пенсильваниядаги ранчода ўтказган модель Белла Ҳадид фаолиятини давом эттиришга имконият пайдо бўлиши билан Нью-Йоркка кўчиб ўтди. Бу ҳақда Hello нашри хабар берди.
Шаҳарнинг Соҳо туманида жойлашган мазкур уй модель томонидан 2019 йилнинг охирида сотиб олинган. Аввалига харид қилувчининг ким экани сир тутилганига қарамай, кейинчалик уй эгасининг шахси New York Post журналисти томонидан маълум қилинган.
Майдони 200 кв метрни ташкил қилган икки қаватли пентхаусни модель 6 миллион долларга харид қилган. Уй 2 та ювиниш хонаси, улардан бири кенг гардеробдан иборат 2 та ётоқхона, меҳмонхона ва ошхона ҳамда иш хонасини ўз ичига олади. Китоб ўқиш, зиёфат уюштириш ва романтик учрашувларни ўтказиш имконини берувчи веранда эса уйга кўрк қўшиб туради.
Маълумот учун, бундан бир неча йил аввал хонанда The Weekend билан муносабатда бўлган Белла унинг Манхэттендаги уйига кўчиб ўтганди. Қўшиқчи мазкур уй учун ойига 60 минг доллар тўлаган.
Изоҳ (0)