АҚШ президенти Дональд Трамп коронавирус инфекциясини «Кунг-флю» деб атади. Бу каби номни у Аризона штатида ўтказилган сайловолди митингида таклиф қилди, деб ёзади The Hill.
Трамп ўз чиқиши давомида коронавируснинг кўплаб номи мавжудлигини ва у фақат 19 ёки 20 тасини санаб бера олиши мумкинлигини маълум қилган.
Президент «Хитой вируси», «Ухань», шунингдек, «Кунг-флю» («флу» инг. — грипп) каби бир нечта номларни таклиф қилган. Трамп сўнгги ном орқали Хитой жанг санъати ҳисобланувчи «кунг-фу»га нисбатан сўз ўйини қилган.
«Ухань кунг-флю коронавирусига чалинди», — дейди Трамп.
The Washington Post’нинг ёзишича, Трамп бир неча бор Хитойни коронавирус эпидемияси тарқалишида айблаган ва касаллик бошқа мамлакатларда ҳам тарқалишидан олдин ҳам уни «Хитой вируси» деб атаб келган.
Эслатиб ўтамиз, аввалроқ АҚШ президенти Дональд Трамп Хитойга COVID-19 тарқалишини суриштириш учун мутахассислар юбормоқчи эканини билдирганди. Шунингдек, АҚШ Хитойдан коронавируснинг келиб чиқиш сабаблари бўйича маълумот сўраган. АҚШ давлат котибининг фикрича, Хитой касаллик тарқалиши юзасидан муҳим ахборотга эга бўлган, аммо уни ўз вақтида ошкор қилмаган. Кремль эса бунга қарши чиқиб, Хитой коронавирусга оид маълумотларни яширгани тўғрисида далиллар йўқлигини билдирган.
Изоҳ (0)