Коронавирусдан даволанишга муваффақ бўлган ҳар уч бемордан бири кейинчалик бутун умри давомида ўпка яллиғланиши, сурункали чарчоқ ва руҳий касалликлардан азият чекиши мумкин. Бу ҳақда Буюк Британия Соғлиқни сақлаш миллий хизмати мутахассисларига таяниб, The Daily Telegraph хабар берди.
Тадқиқот натижаларига кўра, коронавирус инфекцияси билан касалланган беморларнинг 30 фоизида ўпка фибрози ривожланиши мумкин. Бу касаллик ўпкада яра тўқима ҳосил қилиб, нафас олиш функциясининг бузилишига ва қоннинг кислород билан яхши тўйинмаслигига олиб келади.
Соғайганларнинг ярмида жисмоний, когнитив ва руҳий касалликлар юзага келиши ва 70 фоизи алаҳсирашдан азият чекиши мумкин. Ҳар ўн беморнинг биттасида ўткир юрак касаллиги аниқланган.
Олимларнинг сўзларига кўра, коронавирус Альцгеймер касаллигига ҳам олиб келиши мумкин бўлган мия соҳасига ҳам шикаст етказиши мумкинлиги тўғрисида маълумотлар бор.
Аввалроқ коронавирус билан оғриган беморнинг ўлимига сабаб бўлувчи аномал патология аниқлангани, у гриппдан 10 баробар хавфлироқ эканлиги ҳақида хабар берилганди.
Изоҳ (0)