КХДР етакчиси Ким Чен Ин Жанубий Кореяга нисбатан ҳарбий ҳаракатларни амалга ошириш режасини тўхтатиб туриш тўғрисида қарор қабул қилди. Бу ҳақда у Корея Меҳнат партияси Марказий ҳарбий қўмитаси йиғилишида маълум қилди, деб хабар беради Yonhap агентлиги.
Маълумотларга кўра, йиғилишда ҳарбий сиёсатнинг асосий лойиҳалари, Марказий ҳарбий қўмитанинг бешинчи сессиясида кўриб чиқиладиган ҳисобот ва қарорлар муҳокама қилинган. Бундан ташқари, тадбир давомида мамлакат ҳарбий кучларини мустаҳкамлаш йўлида давлат томонидан қабул қилинадиган чораларга боғлиқ ҳужжатлар ҳам кўриб чиқилган.
Аввалроқ КХДР Жанубий Корея билан чегарадош қуролсизлантирилган ҳудудларга ўз қўшинларини қайтармоқчилиги тўғрисида хабар берилганди.
Мавзуга доир: Трамп КХДРга қарши санкцияларни узайтирди
Изоҳ (0)