АҚШ президенти Дональд Трамп ҳозирча Европа Иттифоқи давлатларидан келувчиларга қўйилган тақиқни бекор қилиш ниятида эмас. Бу ҳақда 19 июнь куни ўтказилган брифингда Оқ уй матбуот котиби Кейли Макинани маълум қилди.
«Президент қатновларга қўйилган чеклов инсонлар ҳаётини сақлаб қолиш учун муҳим аҳамият касб этганини билади. Қарийб уч миллион одам вафот этиши мумкин эди ва мамлакатлар орасидаги қатновларга қўйилган мазкур чекловлар америкаликларнинг ҳаётини сақлаб қолишда муҳим рол ўйнади», — дейди Макинани.
Унинг таъкидлашича, Трамп мунтазам равишда маълумотларни кузатиб бормоқда ва ҳозирча чекловларни бекор қилиш режаси йўқ.
Эслатиб ўтамиз, март ойининг ўрталарида АҚШда COVID-19 коронавирусининг тарқалиши сабаб Европа мамлакатларидан келувчилар учун 30 кунга вақтинчалик тақиқ ўрнатилган эди. Апрель ойининг охирларида эса Трамп иммигрантларнинг АҚШга кириши икки ойга тўхтатилганини маълум қилган эди.
Изоҳ (0)