Twitter фойдаланувчилари овозли хабарлар кўринишида твитлар жойлаш имкониятига эга бўлди. Бу ҳақда компания блогида маълум қилинди.
Овозли твит жойлаш учун овоз тўлқинлар тасвирланган белгини босиш лозим. Битта овозли хабар давомийлиги 140 секунддан ошмаслиги керак. Агар овозли твит бундан узун бўлса, платформа автоматик равишда уни бир неча қисмларга бўлиб, тредлар ҳосил қилади.
Қайд этилишича, ҳозирча янги функциядан iOS қурилмаларидан кирувчи саноқли фойдаланувчилар ишлата олиши мумкин, яқин ҳафталарда эса iOS қурилмаларидан фойдаланувчиларнинг барчаси учун бундай имконият тақдим этилади.
Изоҳ (0)