Roskomnadzor Rossiyada Telegram messenjeriga qo‘yilgan cheklovlar olib tashlanishini e’lon qildi. Tashkilot bu borada RF bosh prokuraturasi bilan kelishuvga erishgan.
Mavzuga doir: Pavel Durov App Store va Google Play’dan mobil ilovalarni o‘rnatishdan voz kechishga chaqirdi
4-iyunda Telegram asoschisi Pavel Durov Rossiya hukumatini messenjerni blokirovka qilmaslikni va mamlakatdagi 30 millionga yaqin foydalanuvchilarning Telegram’dan erkin foydalanishi uchun qulay sharoit yaratishni so‘ragan.15-iyunda Rossiya davlat dumasiga mamlakatda Telegram’ga qo‘yilgan taqiqlarni olib tashlash bo‘yicha qonun loyihasi kiritilgan. Hujjat mualliflari rossiyalarik amaldorlarning ko‘pchiligi COVID-19 epidemiyasi vaqtida ushbu messenjerdan asosiy axborot resursi sifatida foydalanganini qayd etgan.
Telegram Rossiyada rasman 2018-yil 13-apreldan taqiqqa uchragan. Messenjerning bloklanishiga Telegram rahbariyatining Rossiya federal xavfsizlik xizmati vakillariga foydalanuvchilarning yozishmalari yuzasidan shifrlash kalitlarini taqdim qilmagani sabab bo‘lgandi. Roskomnadzor bir necha million IP-manzilni bloklagan, xususan Amazon tarmog‘i ostidagi manzillar ham bloklashni aylanib o‘tish uchun vosita ekani ma’lum qilingandi. Ilovani bloklashga qilingan harakatlarga qaramay, Telegram Rossiya hududida aholi tomonidan barqaror ishlashda davom etgan.
