Жаҳон авиқатновлари коронавирус пандемияси туфайли юзага келган инқироздан кейин тикланишни бошламоқда. Коронавирус туфайли жорий этилган чекловлардан аввал дунё бўйлаб бир суткада 181 мингта рейс амалга оширилган бўлса, айни пайтда у қарийб 65 фоизга тикланиб, суткасига 118 мингта рейсни ташкил қилмоқда.
Апрелда суткасига 64 мингта рейс амалга оширилган бўлса, май ойида жаҳон авиақатновлари тиклана бошлади ва суткалик кўрсаткич 93 мингтага етди.
Flightradar маълумотига кўра, июнь ўрталарида суткасига 118,9 мингта парвоз амалга оширилган бўлиб, бунинг 46,4 мингтаси тижорат рейсларидир. Бу апрель ойи ўрталарида амалга оширилган парвозлардан икки баравар кўпдир. Унда суткасига 23 мингта тижорат рейслари амага оширилганди. Инқироздан олдин эса бу кўрсаткич 102 мингтани ташкил этган (18 январь ҳолатига кўра).
«РБК»нинг «Avia.ru» саноат портали бош муҳаррири Роман Гусаровга таяниб ёзишича, жаҳон авиацияси инқирозгача бўлган даражага қайтишни бошлади, деб айтиш учун ҳали эрта.
«Бу вақтинчалик ҳолат бўлиши мумкин. Бундан ташқари, пандемиянинг иккинчи тўлқини содир бўлиши ва бозор тикланишга улгурмаслиги мумкин». Бироқ унинг таъкидлашича, авиақатновларнинг апрель ва май ойидагидек тушиб кетиши кузатилмайди, чунки COVID-19 тарқалишининг доираси ўзгариб бормоқда».
Шунингдек, таъкидланишича, бутун дунё бўйича авиқатновлар сонининг ортиши ички рейслар ҳисобига амалга ошмоқда.
Мавзуга доир: Ўзбекистонда ички авиарейслар сони кўпайтирилади
Изоҳ (0)