17 июнь, чоршанба куни дунёнинг турли бурчакларидан олинган энг қизиқарли суратлар жамланмасини тақдим этамиз.
АҚШнинг Майами шаҳрида намойишга чиққанида ўлдирилган қора танли Салаунинг хотирасига шам ушлаб турган аёл. Фото: Reuters
Ҳиндистоннинг Нью-Деҳли шаҳрида Хитойга қарши намойишда қўлга тушган Жагран Манчни олиб кетаётган полиция. Фото: Reuters
Буюк Британиянинг Лондон шаҳрида кучли ёмғирдан телефон будкасида беркиниб турган эркак. Фото: PA
Афғонистоннинг Кобул шаҳрида махсус қисм вакиллари диплом топшириш маросимида. Фото: Reuters
Буркина-Фасонинг Уагадугу шаҳрида харобалар орасидаги очиқ гранит карьерида ўйнаб юрган қизалоқ. Пандемия сабаб мактаблар ёпиқ. Фото: Reuters
Хитойнинг Шэньян шаҳридаги кечки бозор. Фото: Getty Images
Таиланднинг Бангкок шаҳрида ёмғир қуйиб ёғган кўчада скутерда кетаётган икки ёш. Фото: Getty Images
Покистоннинг Лаҳор шаҳридаги бўшаб қолган туманлардан бирида чўмилаётган ғозлар. Фото: Getty Images
Украинанинг Киев шаҳрида полиция ходимлари ультра ўнг жангарини қўлга олди. У президент маъмуриятининг биноси олдида намойиш ўтказган. Фото: EPA
Индонезиянинг Жакарта шаҳридаги Ragunan ҳайвонот боғида ҳимоя кийимларидаги ходимлар фил қафаси ёнида дезинфекция ишларини олиб бормоқда. Фото: EPA
Ҳиндистоннинг Мумбай шаҳрида тиббиёт ходимлари ва Rashtriya Swayamsevak Sangh (RSS) кўнгиллилар жамияти билан бирга коронавирусга тест олиш учун бозор ичидан юриб бормоқда. Фото: Getty Images
Туркиянинг Ҳатай шаҳрида балиқчи Оронт дарёсига қармоғини ташламоқда. Фото: Getty Images
Испаниянинг Валенсия шаҳрида пластик ҳимоя орқали қучоқлашаётган қариндошлар. Фото: EPA
Ўзбекистон Соғлиқни сақлаш вазирлигида 17 июнь, чоршанба куни Япония ҳукуматининг беғараз ёрдам дастури доирасида юқори технологияли тиббий асбоб-ускуналар етказиб бериш лойиҳаси бўйича ҳужжатлар тўпламини имзолаш маросими бўлиб ўтди. Фото: Соғлиқни сақлаш вазирлиги
КХДР Кэсон чегара шаҳридаги офисни бузиб ташлади. Ушбу офис 2018 йилда ташкил этилган бўлиб, икки Корея давлатлари ўртасидаги ягона дипломатик миссияни бажарар эди. Фото: Reuters
Бразилиянинг Сан-Паулу шаҳрида полицияга қарши намойишлар натижасида намойишчилар баррикадалар уюштириб, чиқинди қутиларини ёқиб юборди. Фото: Reuters
Россияда Ғалабанинг 75 йиллигига бағишланган парадга тайёргарлик давом этмоқда. Фото: Reuters
Хитойнинг Шанхай шаҳридаги савдо маркази эшиги ёнида рақс тушаётган қизалоқ. Фото: Reuters
Франция президенти Эммануэль Макрон Лион шаҳри яқинидаги ҳудудда вакцина ишлаб чиқарувчи заводга борди. Фото: Reuters
Аввалги кунларнинг фотогалереялари:
Изоҳ (0)