Jahon aviqatnovlari koronavirus pandemiyasi tufayli yuzaga kelgan inqirozdan keyin tiklanishni boshlamoqda. Koronavirus tufayli joriy etilgan cheklovlardan avval dunyo bo‘ylab bir sutkada 181 mingta reys amalga oshirilgan bo‘lsa, ayni paytda u qariyb 65 foizga tiklanib, sutkasiga 118 mingta reysni tashkil qilmoqda.
Aprelda sutkasiga 64 mingta reys amalga oshirilgan bo‘lsa, may oyida jahon aviaqatnovlari tiklana boshladi va sutkalik ko‘rsatkich 93 mingtaga yetdi.
Flightradar ma’lumotiga ko‘ra, iyun o‘rtalarida sutkasiga 118,9 mingta parvoz amalga oshirilgan bo‘lib, buning 46,4 mingtasi tijorat reyslaridir. Bu aprel oyi o‘rtalarida amalga oshirilgan parvozlardan ikki baravar ko‘pdir. Unda sutkasiga 23 mingta tijorat reyslari amaga oshirilgandi. Inqirozdan oldin esa bu ko‘rsatkich 102 mingtani tashkil etgan (18-yanvar holatiga ko‘ra).
“RBK”ning “Avia.ru” sanoat portali bosh muharriri Roman Gusarovga tayanib yozishicha, jahon aviatsiyasi inqirozgacha bo‘lgan darajaga qaytishni boshladi, deb aytish uchun hali erta.
“Bu vaqtinchalik holat bo‘lishi mumkin. Bundan tashqari, pandemiyaning ikkinchi to‘lqini sodir bo‘lishi va bozor tiklanishga ulgurmasligi mumkin”. Biroq uning ta’kidlashicha, aviaqatnovlarning aprel va may oyidagidek tushib ketishi kuzatilmaydi, chunki COVID-19 tarqalishining doirasi o‘zgarib bormoqda”.
Shuningdek, ta’kidlanishicha, butun dunyo bo‘yicha aviqatnovlar sonining ortishi ichki reyslar hisobiga amalga oshmoqda.
Mavzuga doir: O‘zbekistonda ichki aviareyslar soni ko‘paytiriladi
Izoh (0)