Инсоннинг кўринишига қараб унинг нима истеъмол қилиши, таомномаси ҳақида хулоса чиқариш мумкин. Сиз-у биз тановул қиладиган маҳсулотлар нафақат организм, балки тери ҳолатининг қандай бўлишида ҳам муҳим рол ўйнайди. Ўтказилган тадқиқотлар натижасига кўра, қуйидаги маҳсулотлар тери, хусусан, юзда ҳуснбузарлар пайдо бўлишига олиб келиши аниқланди.
Қуритилган мевалар
Қуритилган мевалар ҳамиша фойдали ҳисобланган, лекин уларнинг таркибига назар солинса, углеводларга бой экани, бу эса уларни кўп миқдорда истеъмол қилиш қондаги қанд миқдорини ошиб кетишига олиб келишини билдиради. Қондаги қанд миқдори кўпайганида уни меъёрга солиш учун организмдан инсулин кўп миқдорда ажралиб чиқиб, яллиғланишни келтириб чиқаради.
Ёғсиз сут
Бу маҳсулотда ёғ бўлмагани ва қўшимча оқсил бўлгани ҳисобига ҳам тери учун зарарли ҳисобланади. Унинг ўрнига гуруч, бодом ва кокос сутидан фойдаланиш тавсия қилинади.
Денгиз маҳсулотлари
Денгиз маҳсулотлари ёд манбайи ҳисобланади. Қисқичбақа, лобстер, устрица ва бошқаларни сезувчанлиги юқори бўлган кишилар истеъмол қилса ёки тановул қилишда меъёри ошириб юборилса тери яллиғланишига олиб келади. Унинг ўрнига ёғли балиқ истеъмол қилиш керак.
Сутли шоколад
Шоколаднинг бу тури тозаланган шакар, сут ва транс ёғларни ўз ичига олади. Сутли шоколадни, таркибида 70% какао бўлган, аччиқ шоколадга алмаштириш маслаҳат берилади.
Суши
Оқ гуруч таркибида гликемик индекс юқори бўлади. Гликемик индекс деганда, маҳсулотлар таркибидаги углеводларнинг глюкозага айланиш тезлиги тушунилади. Қисқичбақа таёқчалари ва соус эса глютенга бой ҳисобланади. Шу боис сушини ҳадеб ҳам истеъмол қилавериш керак эмас.
Шарбат
Шарбатлар, айниқса, мевалардан тайёрланган бўлса, қондаги қанд миқдорининг кескин кўтарилишига сабабчи бўлади. Бу ўзгариш эса ўз навбатида тери яллиғланишини келтириб чиқариши мумкин. Шу боис шарбат ўрнига сархил меваларни ейиш тавсия қилинади.
Гўшт
Гўшт антибиотикнинг кони бўлгани билан организмдаги микрофлорага салбий таъсир кўрсатиш хусусиятига ҳам эга. Микрофлора эса табиийки ташқи кўринишга таъсир кўрсатади. Юз териси соғлом кўриниши ва ортиқча ҳуснбузарлар бўлмаслиги учун гўшт билан сабзавотларни қўшиб истеъмол қилиш ва меъёрни ошириб юбормаслик тавсия қилинади.
Изоҳ (0)