Шифокорлар ортиқча вазн тўпламаслик учун кечки соат 6 дан кейин овқатланмасликни маслаҳат беради. Лекин шундай маҳсулотлар борки, уларни ейиш ҳеч қандай зарар қилмайди.
Яшил сабзавотлар
Кечаси бемалол ейиш мумкин бўлган маҳсулотлар рўйхатида яшил сабзавотлар — селдир, ялпиз, бодринг ва бошқа кўкатлар биринчи ўринда туради. Яшил сабзавотлар калорияни камайтириш хусусиятига эга.
Товуқ филеси
Товуқ гўшти оқсил манбайи ҳисобланади. 100 гр товуқ гўштида атиги 165 калория бўлади. Товуқни парда димлаб ёки ёғсиз грилл қилиб пишириш тавсия қилинади. Иложи борича ёғли соус ўрнига хушбўй ўт ва зираворлардан фойдаланинг.
Балиқ
Балиқ маҳсулотлари — юрак қон-томир фаолиятини яхшилайдиган, яллиғланишга қарши самарали ҳисобланган омега-3 кислотасига бой бўлади.
Тухум
Тухум сариғи таркибида холестерин кўп бўлгани учун ҳам кечки овқатда истеъмол қилиш тавсия қилинмайди. Лекин тухумнинг оқидан тайёрланган омлет соғлиғингиз учун фойдали.
Денгиз маҳсулотлари
Денгиз маҳсулотлари — креветка, устрица ва бошқалар оқсилнинг кони ҳисобланади ва организмдаги калорияни назорат қилади. Уни ҳеч иккиланмай кечқурун истеъмол қилиш мумкин.
Творог
Творог енгил ҳазм бўлиши, кальцийга бой экани билан аҳамиятли. Таркибида 5 фоиз ёғ бўлган творогни кечки овқатга истеъмол қилиш тавсия қилинади. Ушбу сутли маҳсулотнинг қуруғини ейишни ёқтирмасангиз, «сирник» ёки «запеканка» қилиб пиширишингиз мумкин. Фақат шакар ўрнига асалдан фойдаланинг.
Мавзуга доир: Нонуштага нима емаслик керак?
Изоҳ (0)