Инсон кайфияти қандай бўлиши бир қанча омиллар, хусусан, овқатланиш билан ҳам боғлиқ.
Бразилия ёнғоғи
Тадқиқотларда аниқланишича, инсон организмига селен моддаси етишмаслиги депрессияга мойиллик, асабийлашиш ва сурункали чарчоқни келтириб чиқаради. Мазкур моддага бой экани билан аҳамиятли бўлган ушбу маҳсулотни кунига уч донадан истеъмол қилиш тавсия қилинади.
Устрица (денгиз моллюскаси)
Денгиз деликатеси нафақат ўзига хос таъми, балки мия фаолиятини яхшилайдиган ва энергия билан таъминлашда аҳамиятли бўлган руҳ моддасининг манбаси ҳисобланади. Шунингдек, мазкур маҳсулот, асабийлашишга қарши самарали бўлган аминакислота ишлаб чиқаришда ҳам муҳим рол ўйнайди. Кайфиятни кўтариш учун моллюсканинг уч донаси етарли.
Банан
Банан фойдали микроэлементлар, А, B6, C витаминлари ҳамда клечатка, калий, темир ва фосфорнинг манбаси ҳисобланади. Тонгни ярим бўлак банан билан қарши олиш кун бўйи кайфиятингиз аъло бўлишига гаров бўлади.
Ясмиқ (чечевица)
Ушбу донли маҳсулот кайфиятни кўтарувчи серотoнинга бойлиги билан бирга, қоринни тўқ тутади, тез ҳазм бўлади ва қондаги қанд миқдорини меъёрда ушлайди.
Қора шоколад
Кайфиятни кўтаришнинг энг яхши, маълум бўлган усули — шоколад истеъмол қилишдир. Фақат қора шоколад ейиш ва меъёрни ошириб юбормаслик керак бўлади. 30 иштирокчида 14 кун давомида ўтказилган тадқиқот натижасига кўра, 40 грамм шоколад истеъмолидан кейин стресс гормони камайгани маълум бўлган.
Сули ёрмаси
Сули ёрмасидан тайёрланган бўтқа нонушта учун энг яхши вариант. Ушбу маҳсулот углеводларга бой экани сабаб ҳам кунлик энергия билан таъминлайди ва кайфиятни кўтаринки бўлишига сабабчи бўлади. Сули ёрмасидан бўтқа тайёрлаб, унга банан ва ёнғоқ қўшиб истеъмол қилиш тавсия қилинади.
Изоҳ (0)