Нидерландиянинг SciSports ахборот компанияси Бельгиянинг Левен университети билан ҳамкорликда «Барселона» ҳужумчиси Лионель Месси ва «Ювентус» форварди Криштиану Роналдунинг ҳаракатлари сифатлилик даражасини ўрганиш мақсадида тадқиқот ўтказди. Бу ҳақда «Sport.es» хабар бермоқда.
Тадқиқотда Месси Роналдудан икки баравар кучлироқ экани маълум бўлган. Илмий изланишда футболчиларнинг ҳаракатлари самарадорлиги ва бошқа турли жиҳатлари ўрганилган. Жумладан, икки юлдузнинг ўйин давомидаги барча ҳаракатлари ва учрашув натижаларига таъсир ўтказишига алоҳида эътибор қаратилган.
Таъкидлаш жоизки, тадқиқот 2013—2016 йилларни ўз ичига олади, бу назарий жиҳатдан Мессига қарши ишлаши керак эди, боиси Роналду ушбу даврда энг юқори кўрсаткичга эришган ва бир қанча совринларга эга чиққан.
Мессининг натижаси 1,21 баллни ташкил қилган бўлса, Криштианунинг фойдали иш коэффициенти 0,61 га тенг бўлган.
Мавзуга доир:
- Роналду ёки Месси? Томас Мюллер танловини маълум қилди
- Роналдунинг характери, ван Бастенча нафис дид ва Мессининг чап оёғи. Идеал ҳужумчи қандай бўлади?
Изланишлар шуни кўрсатдики, Месси тўп билан кўпроқ муомала қилади, хавфли вазиятлар яратади ва Роналдуга қараганда, учрашувнинг якуний натижасига кўпроқ таъсир ўтказади.
Месси жорий мавсумда Ла Лиганинг 22 учрашувида 19 та гол ва 12 та голли узатмага муаллифлик қилган бўлса, Роналду 22 та ўйинда ўз ҳисобига 21 та гол ва 3 та ассист ёздириб қўйган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)