Хоразм вилояти Урганч шаҳри «қизил» ҳудудга айлангани сабабли шаҳарда карантин чоралари кучайтирилди. Бу ҳақда Хоразм вилояти ҳокимлиги маълум қилди.
Хабар берилишича, Урганч шаҳрида қуйидаги фаолият турлари вақтинча тақиқланган:
- автомашиналарни ювиш шохобчалари;
- автомобиллар, қишлоқ хўжалиги ва қурилиш техникаларига техник хизмат кўрсатувчи ташкилотлар;
- ҳунармандчилик, маиший жиҳозлар ва электрон қурилмаларни таъмирлаш устахоналари;
- парк ва истироҳат боғлари;
- ноозиқ-овқат маҳсулотлари чакана савдоси;
- заргарлик ва гул сотиш дўконлари;
- йўналишсиз таксида йўловчи ташиш (етказиб бериш хизмати бундан мустасно);
- жамоат транспорти ҳаракати;
- барча турдаги оммавий тадбирлар (концерт, театр, кинотеатр, музей, спорт тадбирлари, масжидлар), оилавий тантана, маърака ва маросимлари (дафн маросимлари, 10-15 кишидан кўп бўлмаган ҳоллар бундан мустасно);
- буюм бозорлари;
- савдо мажмуалари;
- сартарошхона ва гўзаллик салонлари;
- спорт заллари ва фитнес клублар, спа ва массаж салонлари;
- тунги клуб ва дискотекалар;
- караоке ва бильярд заллари, чилим (кальян) марказлари, компьютер ўйинлари;
- умумий овқатланиш корхонлари (ресторан, кафе, ошхона, чойхона) фаолияти (етказиб бериш учун тайёрлаш бундан мустасно);
- яхна ичимлик савдо нуқталари;
- таълим ташкилотлари, (боғча, мактаб, лицей, коллеж, техникум, институт, университет ва бошқалар) ўқув курслари;
- меҳмонхоналар, шунингдек, хостеллар ва меҳмон уйлари;
- давлат органлари ва ташкилотларида жисмоний шахслар ва юридик шахслар қабули.
Урганч шаҳри кўчалари ва савдо шохобчаларида Санитария-эпидемиология осойишталик марказининг махсус ишчи гуруҳлари томонидан дезинфекция ишлари олиб борилмоқда.
Эслатиб ўтамиз, 26 май куни коронавирусдан холи ҳудудга айланган Хоразм вилоятида 6 июнь куни аҳоли орасида 3 та касалланиш ҳолати қайд этилиб, вилоятга коронавирус қайтди ҳамда шаҳар «қизил» ҳудуд тоифасига ўтди.
Изоҳ (0)