Термизда сохта диплом расмийлаштириб беришни ваъда қилиб, фуқародан 8 миллион сўм олган касб-ҳунар коллежи директори ўринбосари қўлга олинди. Бу ҳақда «Дарё»га ДХХдаги манбалари хабар берди.
Маълум бўлишича, Термиз банк коллежи директори ўринбосари Б.Ў. фуқарога Музработ ижтимоий-иқтисодиёт касб-ҳунар коллежини битирганлик тўғрисида сохта диплом расмийлаштириб беришни ваъда қилган.
Шу мақсадда ундан 8 миллион сўм олаётганида ДХХ Сурхондарё вилояти бошқармаси ходимларининг Бош прокуратура ҳузуридаги департамент вакиллари билан ҳамкорликда ўтказган тезкор тадбири давомида ушланган.
Терговга қадар текширув ҳаракатлари давомида у мазкур масалада ёрдам беришини айтиб, муқаддам 2 миллион сўм олганлиги ҳам аниқланган.
Ҳозирда ҳолат юзасидан Жиноят кодексининг тегишли моддаларига асосан жиноят ишлари қўзғатилиб, тергов ҳаракатлари олиб борилмоқда.
Мавзуга доир:
- ДХХ 5 минг доллар эвазига консерваторияга ўқишга киритиб қўйишни ваъда қилган лицей ўқитувчисини қўлга олди
- Сирдарёда фуқарони қалбаки маълумотлар ёрдамида ўқишга киритиб қўймоқчи бўлган шахслар ушланди
- Қирғизистондан ўқишни кўчириш эвазига 4 минг доллар олаётган Андижон давлат университетининг 2 ўқитувчиси қўлга олинди
Изоҳ (0)