Ангренда ўз тенгдошини пичоқлаган 21 ёшли йигитга жиноят иши очилди. Бу ҳақда ИИВ ҳузуридаги Тергов департаменти хабар берди.
Воқеа 3 июнь куни соат 23:30 да, Тошкент вилояти Ангрен шаҳар Оҳангарон кўчасида жойлашган «Ал-Азиз» кафеси олдида жойлашган автобус бекати атрофида юз берган. 21 ёшли М.С. таниши, 21 ёшли А.О. билан жанжаллашган. Келишмовчилик оқибатида М.С. ўзи билан бирга олиб келган ошхона пичоғи билан О.А.нинг ўнг биқин соҳасига бир маротаба зарб билан уриб, тан жароҳати етказган.
Оқибатда О.А. олган тан жароҳатлари билан Ангрен шаҳар марказий шифохонасининг жонлантириш бўлимига ётқизилган.
Ҳолат юзасидан М.С.га нисбатан Жиноят кодексининг 104-моддаси (Қасддан баданга оғир шикаст етказиш) 1-қисми билан жиноят иши қўзғатилган. Ҳозирги кунда дастлабки тергов ҳаракатлари олиб борилмоқда.
Изоҳ (0)