Ўзбекистонда коронавирус инфекциясини юқтириб олганлар сони 8 июнь соат 23:00 ҳолатига кўра, 36 нафарга кўпайди ва касаллик юқтириб олганларнинг умумий сони 4440 нафарга етди. Бу ҳақда Соғлиқни сақлаш вазирлиги хабар қилди.
Янги касалланиш ҳолатларининг барчаси Тошкент шаҳрида аҳоли орасида аниқланган. Ҳозирда ушбу ҳолатлар бўйича эпидемиологик суриштирув ишлари давом этмоқда, дейилади вазирлик ахборотида.
Аввал Ўзбекистонда 8 июнь соат 17:00 ҳолатига кўра, коронавирусга чалинганлар сони 18 кишига кўпайиб, 4404 нафарга етгани хабар қилинганди.
8 июнь давомида коронавирусга чалинган фуқаролардан 3 нафари (2 нафари Самарқанд вилоятида, 1 нафари Тошкент шаҳридаги Эпидемиология, микробиология ва юқумли касалликлар илмий-текшириш институти клиникасида) тузалиб, жами соғайганлар сони 3357 нафарни (76 фоиз) ташкил қилмоқда.
Мавзуга доир: Коронавирусдан тузалган беморларда касалликдан кейин қандай асоратлар кузатилиши маълум қилинди
Изоҳ (0)