Андижон вилояти Хўжаобод туманида 5000 долларни 51,3 миллион сўмга алмаштираётган икки киши қўлга олинди. Бу ҳақда «Дарё»га Бош прокуратура томонидан маълум қилинди.
Хабар берилишича, Бош прокуратура ҳузуридаги Иқтисодий жиноятларга қарши кураш департаментининг Хўжаобод туман бўлими томонидан валюта қимматликларининг ноқонуний муомалага киритилишининг олдини олиш борасида ДХХ ходимлари билан ҳамкорликда тезкор тадбир ўтказилган. Тадбирда фуқаролар С.И. ва И.Ю. харидор М.га 5000 долларни 51,3 миллион сўмга сотган вақтида ушланган. Шунингдек, С.И.нинг ёнида ноқонуний ўтказиш учун мўлжалланган 2300 доллар борлиги аниқланган. Жами 7300 доллар ашёвий далил сифатида олинган.
Мазкур ҳолат юзасидан фуқаро С.И. ва бошқаларга нисбатан Жиноят кодексининг 177-моддаси 3-қисми «в» банди билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкентда 5000 долларни ноқонуний сотаётган валютафуруш қўлга тушгани, Наманганда қалбаки 100 АҚШ долларини муомалага киритган шахс ушлангани ҳақида хабарлар берилганди.
Изоҳ (0)