8 июнь куни Қорақалпоғистон Республикаси Вазирлар Кенгашининг бешинчи навбатдан ташқари сессияси бўлиб ўтди. Йиғилишда Ўзбекистон Республикаси Олий Мажлиси Сенатининг аъзолари, бош прокурори, Қорақалпоғистон Вазирлар Кенгашининг раиси ва унинг ўринбосарлари, шунингдек, республикадаги вазирлик, идора ва ташкилотлар раҳбарлари, оммавий ахборот воситалари вакиллари иштирок этган.
Йиғилишда ташкилий — Қорақалпоғистон Республикаси прокурорини лавозимга тайинлаш масаласи кўрилган. Қорақалпоғистон собиқ прокурори Хидир Каримов бошқа ишга ўтгани учун ўз лавозимидан озод этилгани маълум қилиниб, Конституциянинг 70-моддаси 10-бандига кўра, Фарҳод Алламбергенов Қорақалпоғистон Республикаси прокурори лавозимига тайинланган.
Алламбергенов ўз меҳнат фаолиятини 1994 йилда Нукус шаҳар судининг суд ижрочиси лавозимидан бошлаган. Шундан кейин прокуратурада турли лавозимларда фаолият олиб борган. Элликқалъа, Тўрткўл, Амударё туманлари ва Тахиатош шаҳрида ишлаган. 2017 йил 14 августдан буён Тахиатош тумани ҳокими сифатида фаолият юритиб келаётганди.
Собиқ прокурор Хидир Каримов 2018 йил ноябрь ойида Қорақалпоғистон Республикаси прокурори лавозимига тайинланган эди, ундан аввал эса Навоий вилояти прокурори сифатида фаолият юритиб келганди. У 2018 йилда Ўзбекистон бош прокурорининг ўринбосари лавозимини эгаллаган Рашид Раҳматов ўрнига тайинланганди.Аввалроқ Қорақалпоғистон Республикаси Вазирлар Кенгашининг махсус фармойиши билан Рустам Шамуратов Тўрткўл тумани ҳокими лавозимига тайинлангани, унинг ушбу лавозимда 2018 йилнинг кузида Неъматулла Худойберганов ўрнига туман ҳокими этиб тайинланган Янгабой Бобожоновнинг ўрнига келгани ҳақида хабар берилган.
Изоҳ (0)