Кечки овқатга украинча «Галушки» тайёрлаб кўринг

Турли мамлакат ошхоналари рецепти билан бўлишишда давом этамиз. Бугунги менюмизда — украинча машҳур «Галушки».

Бунинг учун қуйидаги маҳсулотлар керак бўлади:

• сут — 510 мл;
• ун — 490 гр;
• мол гўшти —350 гр;
• ўсимлик ёғи — 1 ош қошиқ;
• қаймоқ — (35 % ) 800 мл;
• товуқ бульони — 1 л;
• таъбга кўра саримсоқ пиёз;
• кўк пиёз ва кўкатлар;
• пишлоқ (моцарелла тавсия қилинади) — 200 гр;
• таъбга кўра туз ва мурч;

• Сут, ун ва туз қўшиб хамир қоринг.
• Хамирни 100 гр ромб шаклида бўлакларга бўлиб чиқиб, устини ёпинг ва музлаткичга қўйинг.
• Хамирни тузли сувда пишириб олинг.
• Товада қизиган ўсимлик ёғига майда тўғралган пиёз ва гўшт солиб қовуриб олинг.
• Майдаланган саримсоқ, туз ва мурч солинг.
• Товуқ бульони ва қаймоқ солиб аралаштиринг.
• Аралашмага хамир, кўкат ва кўк пиёз солиб, 7 дақиқа димлаб пиширинг.
• Печда пиширишга мўлжалланган чуқурроқ идишга таомни солинг ва устидан қирғичдан чиқарилган пишлоқ сепинг.
• 180 даража қизиган печда 5 дақиқага қўйинг.