Kechki ovqatga ukraincha “Galushki” tayyorlab ko‘ring

Turli mamlakat oshxonalari retsepti bilan bo‘lishishda davom etamiz. Bugungi menyumizda — ukraincha mashhur “Galushki”.

Buning uchun quyidagi mahsulotlar kerak bo‘ladi:

• sut — 510 ml;
• un — 490 gr;
• mol go‘shti —350 gr;
• o‘simlik yog‘i — 1 osh qoshiq;
• qaymoq — (35 % ) 800 ml;
• tovuq bulyoni — 1 l;
• ta’bga ko‘ra sarimsoq piyoz;
• ko‘k piyoz va ko‘katlar;
• pishloq (motsarella tavsiya qilinadi) — 200 gr;
• ta’bga ko‘ra tuz va murch;

• Sut, un va tuz qo‘shib xamir qoring.
• Xamirni 100 gr romb shaklida bo‘laklarga bo‘lib chiqib, ustini yoping va muzlatkichga qo‘ying.
• Xamirni tuzli suvda pishirib oling.
• Tovada qizigan o‘simlik yog‘iga mayda to‘g‘ralgan piyoz va go‘sht solib qovurib oling.
• Maydalangan sarimsoq, tuz va murch soling.
• Tovuq bulyoni va qaymoq solib aralashtiring.
• Aralashmaga xamir, ko‘kat va ko‘k piyoz solib, 7 daqiqa dimlab pishiring.
• Pechda pishirishga mo‘ljallangan chuqurroq idishga taomni soling va ustidan qirg‘ichdan chiqarilgan pishloq seping.
• 180 daraja qizigan pechda 5 daqiqaga qo‘ying.