Таркибида сиз ўйлагандан ҳам кўп шакар бўлган 10 маҳсулот

Кўпчилик вазн ташлаш учун парҳез қилишни бошлаб, таомномадан макарон, картошка ва унли маҳсулотларни чиқариб ташлашнинг ўзи кифоя деб ўйлайди. Бироқ калорияси кам деб ҳисоблангани билан таркибидаги углеводлар миқдори биз ўйлаганимиздан ҳам кўпроқ бўлган маҳсулотлар борлигини ёддан чиқармаслик ва шунга асосан рационни тўғри ташкил қилиш керак.

1.Қуритилган мевалар

Қуритилган меваларда янги узилганига қараганда кўпроқ углевод бўлади. Чунки қуритилиш жараёнида, мева таркибидаги сув чиқиб углеводлар қолади. Аниқланишича, 50 гр қуритилган ўрик таркибида —17 гр, анжирда —20 гр, майизда — 26 гр углевод мавжуд.

2.Донли маҳсулотлар

Биз учун оқсил манбаси сифатида яхши маълум бўлган донли маҳсулотлар углеводларга ҳам бой эканини ёддан чиқармаслик керак. 100 гр «чечевица» (ясмиқ) дан тайёрланган таомда —18 гр, нўхатли таомда бўлса 20 гр углевод бўлади.

3. Йогурт

150 гр йогуртда — 16 гр углевод бўлади. Мазкур маҳсулот ҳам оқсиллар сингари углеводга бой саналади.

4. Шарбат

Бир стакан апельсин шарбатида — 26 гр, олма шарбатида —31 гр ва клюква шарбатида —31 гр углевод бўлади. Қуритилган мевалар сингари шарбат ҳам углеводларга бой саналади. Янада ажабланарлиси, шарбат қанчалик табиий бўлса, ундаги углеводлар миқдори газланган сувдагидан ҳам кўп бўлади.

5. Киноа

100 гр киноа таркибида — 18 гр углевод бўлади. Мазкур маҳсулотда углевод миқдори спагетти таркибидагидан ҳам кўп.

6. Банан

Банан — 25-27 гр углеводни ўз ичига олади. Маълум бўлишича, бир дона банан икки бўлак ноннинг ўрнини босади.

7. Глютенсиз нон

Бир бўлак глютенсиз нон таркибида —18 гр углевод бўлади. Глютенсиз маҳсулотда углеводлар ҳам кам бўлади деб хулоса чиқариш керак эмас.

8. Барбекюга қўшиб истеъмол қилинадиган соус

Бир порция (50 гр) соусда — 25 гр углевод бўлади. Ушбу маҳсулот углевод манбаси эканидан, уни шакарли соус деб ҳам атаса бўлади.

9. Юпқа нон

Бир дона суратдагидек нон таркибида —188 гр углевод бўлади. Оддий нонга альтернатив сифатида харид қилинадиган мазкур нонни зарарсиз деб ўйлаш хато, унинг юпқалиги углеводларга бой эмаслигини билдирмайди.

10. Манго

Бир дона мангода — 20-25 гр углевод бўлади. Манго ўрнига таркибида углевод кам бўлган малина истеъмол қилиш тавсия қилинади.