Tesla ва SpaceX компаниялари раҳбари, миллиардер Илон Маскнинг рафиқаси, қўшиқчи Граймс Лос-Анжелесдаги замонавий санъат галереясида иккита онлайн аукцион ўтказмоқда, деб ёзади Esquire.
Экспозицияларда фотосуратлар, қўлда чизилган расмлар, шунингдек, видеолар ҳам намойиш этилмоқда.
Бироқ аукциондаги энг ноодатий экспонат Граймс қалбининг бир бўлагига эгалик қилиш учун Selling out (Сотиладиган нарса) деб номланган шартнома бўлди. Ҳужжатда аукцион ғолиби хонанда қалбининг қанча қисмига эгалик қилиши кўрсатилмаган.
Дастлаб Граймс ҳеч ким уни сотиб ололмаслиги учун ўз қалбини 10 миллион долларга баҳоламоқчи эди. Кейинроқ у коронавирус пандемияси давридаги молиявий инриқоз шароитида бундай нарх ўта юқори, деган қарорга келди. Натижада Граймснинг қалбининг бир бўлагига эгалик қилиш ҳуқуқи «энг яхши таклиф» эгасига насиб қилади.
«Мен ўз юристим билан санъат асари устида ишлашни хоҳладим. Юридик ҳужжатлар шаклидаги фантастик санъат намунаси менга жуда қизиқарли туюлди», — дейди Граймс.
Май бошида Маск ва Граймс ўғил фарзандли бўлди. Бу тадбиркорнинг олтинчи, хонанданинг эса биринчи фарзанди. Эр-хотин ўғлига Х Æ А-12 деб исм қўйди. Бироқ Калифорния штати қонунчилигига мувофиқ ушбу исмни ўзгартиришга тўғри келди.
Изоҳ (0)