«Auto.ru» сайтида Нидерландия бозори учун автомат узатмалар қутиси ёрдамида бошқариладиган қилиб 250 нусхада яратилган ноёб «ВАЗ-2103» сотувга қўйилди, деб хабар беради Motor.
1981 йилда ишлаб чиқарилган седан ҳозирга қадар 10 минг километр масофа босган бўлиб, унинг эгаси машина учун 1,2 миллион рубль (16,8 минг доллар) сўрамоқда — бу янги Lada Vesta Sport моделидан 100 минг рублга қимматроқ.
Сотувга қўйилган нусха тўлиқ реставрацияга учраб, ўзининг дастлабки ҳолатига қайтарилган. Седанга Weber корбютарорли 64 от кучига эга 1,5 литрли двигатель ўрнатилган бўлиб, у General Motors автомат узатмалар қутиси ёрдамида бошқарилади. Бу каби модификацияни ишлаб чиқариш устида Волжск автозаводининг Нидерландиядаги дистрибютори 1977 йилдан 1983 йилгача иш олиб борган.
Салони кўк чарм билан қопланган «ВАЗ-2103» Новосибирскда яшовчи фуқаро томонидан сотувга қўйилган, бироқ у машинани исталган шаҳарга етказиб бериш борасида ёрдам кўрсатишга тайёр.
Мавзуга доир: Porsche 911 мотори кўринишидаги қаҳва тайёрловчи машина тақдим этилди. У иккита Lada Granta’дан қимматроқ туради
Изоҳ (0)