Польшанинг Triggo компанияси катта шаҳарларга мос, зарурат бўлганида кичрайтириш имкони бўлган электромобил ишлаб чиқди, деб хабар берди «Korrespondent.net».
Қайд этилишича, янгилик, айниқса, аксарият вақтини тирбандликларда ўтказадиган ҳайдовчиларга қўл келади. Зарурат туғилганида электрокарни 148 сантиметрдан 86 сантиметргача қисқартириш мумкин.
Triggo электрокари кичрайтирилганида соатига 25 километр тезликда ҳаракатлана олади. Электромобилда ҳайдовчидан ташқари унинг орқасида жойлашган ўриндиққа бир нафар йўловчи ҳам жойлаша олади.
Электрокарнинг оғирлиги 400 килограмм келади. У бир марта қувватланишда 100 километр масофани босиб ўтади. Транспорт воситасининг максимал тезлиги соатига 90 километрни ташкил этади.
Электромобилда рул ўрнига енгил штурвал ўрнатилган. Уни сотув учун ишлаб чиқариш кейинги йилда бошланиши режалаштирилмоқда.
Изоҳ (0)