Нафас қисиши ва ҳарсиллаш COVID-19 коронавирус инфекциясининг асосий белгиси, беморда ушбу симптом кузатилганда дарҳол тез ёрдам чақириш зарур, деган Россиядаги М.Е.Жадкевич номидаги Москва шаҳар касалхонаси бош шифокори Александр Мясников YouTube’даги «Соловьев Live» каналида, деб ёзмоқда «РИА Новости».
Шифокорнинг сўзларига кўра кучли даражада нафас қисиши касалликнинг 7—8-кунларида кузатилади, ўта эрта кузатиладиган ҳолат — 14 кунлик инкубацион даврнинг тўртинчи кунида ҳам содир бўлиши мумкин. Ҳансираш билан бирга юқори даражадаги иситма чиққанда дарҳол тез ёрдам чақириш тавсия қилинган.
«Бемор танасида оғриқлар кузатилса, таъм билиш қобилияти йўқолса, мушаклар оғриса, кучли йўтал тутса, бироқ нафас қисиш ҳолати кузатилмаса — бундай ҳолда тез ёрдам чақириш шарт эмас деб ҳисобламаслик керак», — деган шифокор.
Мясников иситмаси баланд бўлган одамлар ҳам тез ёрдам чақириши ва шифокорга мурожаат қилиши лозимлигини эслатди. Шифокор ҳозирда ҳар бир вирусли касалликка COVID-19 коронавирусидек муносабатда бўлиш кераклигини қайд этган.
«Кечикиб чора кўргандан олдиндан тайёргарлик кўриш яхшироқ», — дейди Мясников.
Сўнгги маълумотларга кўра бутун дунёда коронавирус инфекциясига чалинган беморлар сони 3,6 миллион ошиб кетган, 251 минг нафардан кўпроқ одам касаллик оқибатида вафот этган.
Мавзуга доир:
Изоҳ (0)